Целта на компресијата на градите е да го продолжи протокот на млеко кога бебето само цица без да отстранува млеко. Можно е да се увиди кога бебето добива млеко од градите – паузата на движење на брадата значи дека бебето добило прилив на млеко. Колку е подолга паузата, толку повеќе млеко добива бебето. Ако бебето веќе не пие или пиењето се забавува, компресиите може да се користат за “стимулација за цицање или играта со дојка да ја замени со пиење” и да го задржи бебето да прима млеко. Компресиите на дојка симулираат рефлекс за отстранување на млекото (let-down reflex) и го стимулираат рефлексот на исфрлање млеко(milk ejection reflex).
Оваа техника може да биде корисна за
- Слабото зголемување на телесната тежина кај бебето
- Вознемирени бебиња
- Чести јадења
- Болки во брадавиците
- Рекурентни блокирани канали и / или маститис
- Поттикнување на бебето кое заспива брзо да продолжи со пиење не само со цицање
“Мрзеливо” бебе, или бебе кое се чини дека сака само да ” се смири”. Патем бебиња не се мрзливи, тие реагираат на протокот на млеко, така што ако протокот забавува, бебињата можат да почнат да заспиваат, или ако се постари, можат да се тргнат од градите.
Компресијата на дојките не е неопходна ако сè се одвива добро. Кога сè се одвива добро, дозволете му на бебето да “заврши” со хранење со првата страна и понудете му ја другата страна. Како да знаете дека бебето завршило на првата страна? Кога само цица (брзо влече без пауза) и повеќе не пие со (“широко отворена уста – со пауза – потоа ја затвара устата” типот на цицање). Компресиите на дојка им помагаат на бебињата да го добијат млекото.
Компресијата на градите работи особено добро во првите неколку дена за да му помогне на бебето да добие повеќе колострум. На бебињата не им треба многу колострум, но им треба одредена количина. Доброто прицврстување и компресијата на градите им помага да ја добијат.
Може да биде корисно да знаете дека:
- Бебето кое е добро прицврстено полесно го добива млекото од она кое не е. Бебето кое е лошо прицврстено може да добие млеко само кога протокот на млекото е брз. Така, многу бебиња добро напредуваат со доење и покрај сиромашните бранови, бидејќи повеќето доилки произведуваат изобилство на млеко. Сепак, доилката може да ја плати цената за лошото прицврстување на бебето – на пример: болни брадавици, “колики кај бебето” и / или бебе кое постојано е на градите (но, цица само мал дел од времето).
- Во првите 3-6 недели од животот, многу бебиња имаат тенденција да заспијат на градите доколку протокот на млекото е бавен, понекогаш тие немаат доволен проток на млеко за да се нахранат, а не затоа што се мрзливи или сакаат да се смират. По оваа возраст, тие можат да почнат да се повлекуваат од градите доколку протокот на млеко се забавува. Сепак, некои се повлекуваат од градите, дури и кога се многу помали, понекогаш дури и во првите денови, а некои бебиња заспиваат дури и на 3 или 4 месеци доколку протокот на млеко е бавен.
Комресија на дојка – како се прави тоа
- Држете го бебето со една рака.
- Поддржете ги вашите гради со другата рака, опфатете ја со поставување на палецот на едната страна од градите (најлесно е палецот на горната страна на градите), другите ваши прсти од другата страна, блиску до ѕидот на градниот кош.
- Проверете дали бебто цица, иако нема потреба да бидете опсесивни за прицврстувањето при секое доење. Бебето добива значителни количини на млеко кога цица ” со широка отворена уста со пауза, а потоа со затворена уста” типот на цицање.
- Кога бебето си игра со дојката и повеќе не пие со ” широко отворена уста со пауза- потоа ја затвора устата” типот на цицање, компресирајте ја градата за да се зголеми надворешниот притисок на целата града. Не притискајте со прстите врз градите кон бебето, само притиснете и држете. Не притискајте силно за да не ве боли и не се обидувајте да го промените обликот на ареолата (потемниот дел од дојката во близина на устата на бебето). Со компресијата, бебето треба повторно да почне да пие со ” широко отворена уста пауза- потоа да ја затвори устата” типот на цицање. Започнете со компресија на градите кога бебето не пие многу и пред бебето да стане поспано.
- Одржувајте го притисокот и кога бебето само цица без да пие дури и со компресија, а потоа ослободете го притисокот. Ослободете го притисокот ако бебето престане да цица или ако бебето се врати на цицање без да пие. Често, бебето ќе престане да цица целосно кога ќе се ослободи притисокот, но ќе почне повторно наскоро кога млекото повторно ќе почне да тече. Ако бебето не престане да цица со ослободување на притисокот, почекајте кратко време пред повторно компресирање.
- Причината за ослободување на притисокот е да и дозволите на вашата рака да се одмори и да дозволи млекото повторно да тече кон бебето. Доколку бебето престане да цица кога ќе го ослободите притисокот, повторно ќе почне да цица кога ќе почувствува вкус на млеко.
- Кога бебето повторно ќе почне да цица, можеби ќе пие (“со широко отворена уста со пауза-потоа ќе ја затвори устата” типот на цицање). Доколку не пие, повторно компресирајте како погоре.
- Продолжете на првата страна и кога бебето не пие дури и со компресија. Треба да му дозволите на бебето да остане на страната подолго, како што вие можете да добиете уште еден рефлекс на исфрлање (рефлекс на млечно исфрлање) и бебето ќе почне да пие повторно, самостојно. Меѓутоа, доколку бебето повеќе не пие, дозволете му да се тргне или вие тргнете го градата.
- Ако бебето сака повеќе, понудете ја другата страна и повторете го процесот.
- Можеби ќе сакате, освен ако немате болки во раката, неколку пати да ги менувате страните наизменично.
- Работете на подобрување на прицврстување на бебето на дојката.
- Запомнете, компресирате додека бебето цица, но не пие. Почекајте бебето да започне со цицање; најдобро е да не се компресира додека бебето не престане да цица целосно.
- Во нашето искуство, горенаведеното функционира најдобро, но ако најдете начин за одржување на пиењето на бебето со ” широко отворена уста со пауза-потоа ја затвора устата” типот на цицање кој функционира подобро, користете го начинот кој најдобро функционира за вас и вашето бебе. Сè додека не ја повредувате градата со компресирањето, и се додека бебето “цица со ” широко отворена уста со пауза-потоа ја затвора устата” типот на цицање, компресијата на градите функционира одлично.
Немате потреба секогаш да го правите ова. Кога доењето ќе се подобри, оставете работите да си течат во нормален тек, природно.
